წყარო:bm.ge
Condor Airlines ბრუნდება საქართველოში
ფრანკფურტი-თბილისის ყოველდღიური რეისები 2026 წლის 15 ივნისიდან!


გერმანულმა ავიაკომპანია Condor Airlines-მა გამოაცხადა საქართველოს ბაზარზე დაბრუნება და ფრანკფურტი — თბილისი — ფრანკფურტის ყოველდღიური პირდაპირი რეისების დაწყება 2026 წლის 15 ივნისიდან.

Condor უკვე ოპერირებდა საქართველოში 2022−2023 წლებში, როდესაც კვირაში ორჯერ ახორციელებდა ფრენებს. ახლა კი ავიაკომპანია დაბრუნდება გაფართოებული ფორმატით — ყოველდღიური რეისებით.
ამ სიახლეს გამოეხმაურა აეროპორტების გაერთიანების გენერალური დირექტორიც:
„Condor Airlines-ის დაბრუნება მნიშვნელოვანი მოვლენაა ავიაციის, ტურიზმისა და ტრანზიტული ფრენების განვითარებისათვის. 2026 წლის 15 ივნისიდან კომპანია ფრანკფურტი-თბილისი-ფრანკფურტის ყოველდღიურ პირდაპირ რეისებს განაახლებს. ეს მნიშვნელოვნად გააუმჯობესებს საქართველოს კავშირს ევროპასთან, რაც ახალ შესაძლებლობებს ხსნის ტურიზმისა და ბიზნესისთვის,“ — აღნიშნა ლევან მოსეშვილმა.
ბილეთების დაჯავშნა საქართველოში უკვე შესაძლებელია.
ბილეთების ნახვა შეგიძლიათ Condor Airlines-ს ვებ-გვერდზე.
ავიაკომპანია 1955 წელს არის დაარსებული და ასრულებს რეისებს 81 მიმართულებით: ევროპა, აფრიკა, ჩრდილოეთი და სამხრეთი ამერიკა, კარიბები და ხმელთაშუა ზღვა.
შეხვედრის დაჯავშნა
კონტაქტი
უახლესი აქტუალური ინფორმაცია ჩვენს
სოციალურ ქსელებში