საქართველოს საცხოვრებელი უძრავი ქონების ბაზრის მოცულობა 2021 წლიდან აქტიურად იზრდებოდა და 2024 წელს ისტორიულ მაქსიმუმს-$4.3 მილიარდს მიაღწია საქართველოს ბაზრის 72%-ს თბილისი და 20%-ს ბათუმი შეადგენს.

2024 წელი სტაბილური აღმოჩნდა თბილისის საცხოვრებელი უძრავი ქონების ბაზრისთვის,რაც  ფუნდამენტური მოთხოვნის ფაქტორების სიძლიერეზე მიუთითებს. 2025 წელი შედარებით სუსტად დაიწყო,რაც გაყიდვების წლიურად 6%-ით შემცირებაზე აისახა.

ბათუმის საცხოვრებელი უძრავი ქონების ბაზარი 2021 წლიდან მნიშვნელოვნად გაიზარდა. 2024 წელს ბაზრის მოცულობამ თითქმის $900 მილიონი შეადგინა და 2023 წელთან შედარებით ცვლელი დარჩა.

2024 წელს ბათუმის უძრავი ქონების ბაზარზე მთავარი ინდიკატორები 2023 წელთან შედარებით მნიშვნელოვნად არ შეცვლილა. 2025 წლის იანვარში გაყიდვები ფაქტობრივად წინა წლის დონეზე დარჩა. თუმცა ფასი მნიშვნელოვნად გაიზარდა,რაც დაბალი საბაზო ეფექტით აიხსნება.

2025 წლის დასაწყისში უნაღდო დანახარჯები ელექტრონიკასა და ავეჯზე კლებადი ტენდენციით ხასიათდება, რაც შესაძლოა მიანიშნებდეს უძრავი ქონების ბაზრის შენელებაზე.

ბათუმში კვადრატული მეტრის საშუალო ფასი კვლავ მიმზიდველ ფასების სეგმენტშია და $1222-ს შეადგენს, მსოფლიოს სხვა კურორტულ ქალაქებთან შედარებით.

მიგრაციის ძლიერი ტალღის გამო 2022-2023 წლებში გასაქირავებელმა ფასმა და  უძრავი ქონების ამონაგებმა ისტორიულ მაქსიმუმს მიაღწია, ხოლო 2024 წელს აღნიშნული ინდიკატორები დასტაბილურდა.

2024 წელს ბათუმის ცენტრში, გარეუბნებსა და პერიფერიაში ფასის სტაბილური ზრდა შეინიშნება. ხოლო I ზოლში მცირე კლება დაფიქსირდა.გაყიდვების შემცირების ტენდენცია მეტწილად განპირობებულია ბათუმში ახალი დეველოპერული პროექტების შედარებით დაბალი მიწოდებით.

ბოლო 2 წლის განმავლობაში ყველა უბანში,შედარებით მაღალი საფასო კატეგორიების წილი მატულობს.I ზოლში მნიშვნელოვნად ჭარბობს 35 კვ.მ-მდე ფართობის ბინები,ხოლო ცენტრში,გარეუბნებსა და პერიფერიაში 50-75კვ.მ ფართობის აპარტამენტები დომინირებს.

ქობულეთის უძრავი ქონების ბაზარზე მოთხოვნამ პიკს 2023 წელს მიაღწია. 2024 წელს გაყიდვების წლიურად  33%-ით შემცირების მიუხედავად ფასმა ზრდა განაგრძო და თითქმის $1,000-ს გაუტოლდა.

ბათუმის პირველად ბაზარზე ბინების უმეტესობა საინვესტიციო მიზნითაა შეძენელი და ხასიათდება სხვა ეროვნების მყიდველების მაღალი წილით. აღნიშნულიდან გამომდინარე,ბათუმის უძრავი ქონების ბაზარი,თბილისთან შედარებით,უფრო მგრძნობიარეა გარე შოკების მიმართ.

ბოლო წლებში ბათუმის უძრავი ქონების ბაზარზე გაცემული ნებართვები კლებადი ტენდენციით ხასიათდება,რაც ძირითადად გამოწვეულია ბათუმში დეველოპერული პროექტებისთვის მიწის რესურსის ნაკლებობით. 2024 წელს,ნებართვა გაიცა დაახლოებით 321 ათას კვ.მ საცხოვრებელ ფართზე,რაც  6%-ით აღემატება 2023 წლის მაჩვენებელს.